मिडिया तालिमः नेपाली अभ्यासको लेखाजोखा

Last Updated on Thursday, 26 January 2012 06:58 Friday, 25 March 2011 10:04

मिडिया तालिमः नेपाली अभ्यासको लेखाजोखा
चौतारी पुस्तक शृङ्खला ६०


लेखकः देवराज हुमागाईं, शेखर पराजुली, हर्षमान महर्जन र अर्जुन पन्थी
पृष्ठः १६४, मूल्यः २००
ISBN: 978-9937-8194-9-7

नेपालमा सञ्चालित मिडियासम्बन्धी तालिमहरु पत्रकारिता क्षेत्रमा आवश्यक दक्ष जनशक्ति आपूर्ति गर्ने भरपर्दा स्रोत बनेका छन् । यो पुस्तक मिडिया तालिमः नेपाली अभ्यासको लेखाजोखाले मिडियाका जनशक्तिलाई लक्षित गरेर नेपालमा भइरहेका मिडिया तालिमको साङ्गोपाङ्गो जानकारी दिन्छ । पुस्तक सात अध्यायमा विभाजित छ । नेपालमा मिडियासम्बन्धी के–कस्ता तालिम भइरहेका छन्, तिनका विषयवस्तु वा पाठ्यक्रम कस्ता छन्, तालिम दिने र लिने प्रक्रियामा को–को सहभागी छन्; यी र यस्तै जिज्ञासाहरुको समाधानका लागि प्रस्तुत पुस्तक पठनीय छ । पुस्तकले तालिमका लागि आर्थिक स्रोत कसरी जुटिरहेको छ र तालिमका उपलब्धिबारे सम्बन्धित क्षेत्रका व्यक्तिहरुको धारणा के छ भन्ने सम्बन्धमा पनि विशद अध्ययन प्रस्तुत गरेको छ । पत्रकारिताको औपचारिक शिक्षण र तालिमको अनौपचारिक प्रशिक्षणबीचको निकटता र दूरता केलाउँदै विद्यालय तहदेखि विश्वविद्यालय तहसम्मको मिडिया पाठ्यक्रमको विवेचनासमेत गरिएको छ । बृहत् अध्ययन र व्यापक अनुसन्धानबाट प्राप्त निष्कर्षका आधारमा मिडिया तालिम सञ्चालन गरिंदा अपनाइनुपर्ने सुधारका पक्षहरु पुस्तकको अन्तिम अध्यायमा औंल्याइएको छ । प्रस्तुत पुस्तकले नेपालमा मिडिया तालिमको अभ्यासका क्रममा देखिएका सकारात्मक र कमजोर प्रवृत्तिबारे वस्तुगत मूल्याङ्कन प्रस्तुत गरेको छ । मिडियासम्बन्धी तालिममा संलग्न प्रशिक्षक र प्रशिक्षार्थी, अध्ययनमा संलग्न विद्यार्थी र प्राध्यापकका साथै पत्रकार र जिज्ञासु सबैका लागि पुस्तक पठनीय र उपयोगी छ ।

देवराज हुमागाईं,  शेखर पराजुली, हर्षमान महर्जन र अर्जुन पन्थी  मार्टिन चौतारीमा आबद्ध मिडिया अनुसन्धाता हुन् ।

विषयसूची

तस्बिरसूची छ
सङ्क्षिप्त रूप झ
प्राक्कथन ट

परिचय
मिडिया तालिम र यसको अध्ययन क्षेत्र १

अध्याय एक
पत्रकारिता तथा आमसञ्चार शिक्षाको वर्तमान अवस्था १३

अध्याय दुई
तालिम दिने संस्था र तालिमको प्रकृति ३३

अध्याय तीन
पाठ्यक्रम ५९

अध्याय चार
प्रशिक्षार्थी ८१

अध्याय पाँच
प्रशिक्षक १०१

अध्याय छ
आर्थिक पक्ष ११३

अध्याय सात
सुझाव १२९

सन्दर्भसूची १४१

अनुसूचीहरू
अनुसूची एक
तालिम दिने संस्थाहरूको नामावली १४७

अनुसूची दुई
अनुसन्धानको क्रममा अन्तर्वार्ता गरिएका व्यक्तिहरू १५१

लेखक परिचय १५९
अनुक्रमणिका १६१

< Prev		Next >