मिडियाको अन्तर्वस्तु विविध विश्लेषण

Details

Created on Wednesday, 05 September 2012 08:17

चौतारी पुस्तक श्रृंखला ५

सम्पादकः प्रत्यूष वन्त, रमेश पराजुली र रमा पराजुली
प्रकाशकः मार्टिन चौतारी / सामाजिक विकास तथा अनुसन्धान केन्द्र
थापाथली , काठमाडौँ
पहिलो संस्करण , २०५९/ सन् २००२,
पृष्ठ २५२ , मूल्य रु १५०
ISBN 99933-396-1-X

पुस्तक परिचय
कान्तिपुर, भदौ १८, २०५९, पृ ७

समयले एक शतकको तन्नेरी बनाए पनि प्रजातन्त्र पुनःस्थापनापछि मात्र नेपाली मिडियाले पङ्खा फैलाउने मौका पाएको हो । रङ्गीन कलेबरमा छापिएका ' ब्रोडशिट' ' टेब्लोइड' र ' म्यागेजिन' हरू; विस्तारित हँदै गएका एफएम रेडियो तरङ्गहरू; दौडमा सामेल हुन खोजिरहेका टेलिभिजन च्यानलहरू र ' अनलाइन न्यूज पोर्टल' हरू प्रजातन्त्रोत्तरकालमा नै देखा परेका हुन् । मिडियाको विस्तारसँगै यसको प्रभाव क्षेत्र पनि विस्तारित भएको छ; र यसले पाठक/ श्रोतार्/ दर्शकको दैनन्दिनीमा हस्तक्षेप गरिरहेको छ । मिडियाका विषयवस्तुमाथि पनि मानिसहरूले एक वा अर्को किसिमले टीकाटिप्पणी गरि नै रहेका हुन्छन् ।

मिडियामाथि गरिने सामान्य टीकाटिप्पणीले होइन , अपितु तिनमा प्रकाशित/ प्रसारित विषयवस्तुको प्रक्रियाबद्ध चिरफारले मिडियाको क्षमता अभिवृद्धि हुन्छ । यद्यपि, नेपाली मिडियाका विषयवस्तुमाथि प्रक्रियावद्ध हिसाबले लेखाजोखा गरिएका लेख, सामग्रीहरूको विश्लेषण गरिएको छ, यस पुस्तकमा । माओवादी आन्दोलन र दरबार काण्ड नेपाली राजनीतिका दुई महत्वपूर्ण पाटा हुन् जसको बारेमा मिडियामा आएका सामग्रीहरूको विश्लेषण, विवेचन पुस्तकको राजनीति खण्डमा लेखाजोखा गरिएको छ । त्यस्तै, विविध खण्डमा नेपाली टेलिभिजनका समाचारमूलक कार्यक्रमका बारेमा, सन्ध्याकालीन पत्रिकाकका विषयवस्तुका बारेमा, र ' खाते' शब्द जनमानसमा स्थापित हुनमा मिडियाले खेलेको भूमिकाको यस पुस्तकमा चर्चा परिचर्चा गरिएको छ ।

प्रत्यूष वन्तले इतिहासमा विद्यावारिधि गर्नु भएको छ । नेपाली राष्ट्रियता, गोर्खालीहरुको इतिहास, मिडिया र दक्षिण एसियामा क्षेत्रीय प्राज्ञिक अध्ययनबारे उहाँले अनुसन्धनात्मक लेखहरु प्रकाशित गर्नु भएको छ । उहाँको सह-सम्पादनमा छापामा दलित (२०५६), नेपाली मिडियामा दलित तथा जनजाति (२०५८) एवम् मिडियाको अन्तरवस्तुः विविध विश्लेशण (२०५९) पुस्तकहरु प्रकाशित छन् ।

तथ्यांक शास्त्रमा एमएस्सी गर्नुभएका रमेश पराजुली अनुसन्धाता हुनुहुन्छ ।
रमा पराजुलीले रसायन शास्त्रमा एमएस्सी गर्नुभएको छ । उहाँ कान्तिपुर दैनिकका वरिष्ठ सम्वाददाता हुनुहुन्छ ।

पुस्तकमा के छ

धन्यवाद
परिचय

राजनीति
माओवादी आन्दोलन , सरकार र नेपाली प्रेस
राजेन्द्र दाहाल

नेपाली छापामा दुनै काण्डपछिको माओवादी व्रि्रोह
प्रशान्त अर्याल

माओवादी र प्रेस उत्सुकता र भयको सम्बन्ध
गुणराज लुइँटेल

नाराणहिटी हत्याकाण्डः ' ब्रोडशिट' को कभरेज
रमा पराजुली

दरबार हत्याकाण्डको ऐनामा नेपाली पत्रकारिता
प्रकाश अधिकारी

पर्यावरण
छापामा जलउत्पन्न प्रकोपसम्बन्धी रिपोर्टिङ
ङमिन्द्र दाहाल

वायु प्रदूषणविरोधी आन्दोलन र छापा माध्यम
रमेश पराजुली

विविध
नेपाली टेलिभिजनमा रिपोर्टिङ्ग
अनुप सुवेदी

काठमाडौंका सन्ध्याकालीन पत्रिकाः विषयवस्तु विश्लेषण
कोमल भट्ट

नेपाली सञ्चार माध्यममा ' खाते'
लाजिमा वन्त - भट्ट

विषयवस्तु विश्लेषण सर्न्दर्भ - सामग्री
देवराज हुमागाईं

लेखक परिचय

• < Prev
• Next >