चौतारी पुस्तक शृङ्खला ४७
माओवादी सङ्घघर्षः शान्तिपूर्ण रुपान्तरण क्रान्ति र समाज परिवर्तनबारे नेपाली समाजमा भएको चिन्तन/बहसलाई व्यवस्थित रुपमा बुझ्ने प्रयाससँगै निर्माण भएको हो । समसामयिक राजनीति र ऐतिहासिक घटनाक्रमको आधारमा नेकपा (माओवादी) क्रान्ति र समाज परिवर्तनको राजनीतिक केन्द्र बन्दै आएको छ । त्यसैले माओवादीबारे यसभन्दा पहिला पनि माओवादी विद्रोहः सशस्त्र सङ्घर्षको अवधि पुस्तक हामीले प्रकाशित गरेका थियौं । यो पुस्तक त्यही अध्ययन शृङ्खलाको दोस्रो कडी हो । यस पुस्तकले माओवादीले २०६२ मङ्सिर ७ गते सात दलसँगको बाह्र बुँदे समझदारीमार्फत हतियार बिसाउने प्रतिबद्धता जनाएको समयदेखि सरकारमा सामेल भएसम्मको अवधिलाई समेटेको छ ।
नेपाली समाजमा लोकतन्त्र र अधिनायकवाद, राजनीतिक आन्दोलन र द्वन्द्वलाई माओवादीले तय गरेको विगत र वर्तमानको राजनीतिक यात्राले राम्रैसँग प्रभाव पारेको छ । मूलतः बाह्र बुँदे समझदारी भएपछि माओवादीले शान्तिपूर्ण सङ्घर्षको बाटो समात्यो । सशस्त्र सङ्घर्षलाई त्याग्ने माओवादीको सो निर्णयले नेपाली राजनीतिलाई बहुआयामिक तवरमा प्रभावित गर्यो । सो सहमतिले धेरै सम्भावना र केही ठूलै जोखिम बोकेको थियो । यस पुस्तकमा माओवादीको सो जोखिमयुक्त यात्रा वरिपरि नेपाली समाजमा भएको चिन्तन/बहसलाई समेट्ने चेष्टा गरिएको छ । त्यसैले माओवादीले भन्दै आएको 'क्रान्तिकारी सङ्घर्ष'को विगत र वर्तमानलाई बुझ्न यो पुस्तक सहयोगी हुने अपेक्षा गरिएको छ ।
भास्कर गौतम मार्टिन चौतारीसँग आबद्ध अध्येता हुन् । छायामा जनजाति (२०५८), नेपालमा गरिबीको बहस (२०६१), सहरीकरणः जीविकाको विविध आयाम (२०६३), माओवादी विद्रोहः सशस्त्र सङ्घर्षको अवधि (२०६४) र मधेस विद्रोहको नालीबेली (२०६४) उनको सह-सम्पादन र सम्पादनमा प्रकाशित प्रमुख पुस्तकहरु हुन् । विभिन्न पुस्तक र पत्रपत्रिकामा नेपालको समसामयिक विषयहरुमा उनका लेखहरू प्रकाशित छन् ।
चिरन मानन्धर मार्टिन चौतारीसँग आबद्ध अनुसन्धानकर्ता हुन् । उनको सह-सम्पादनमा माओवादी विद्रोहः सशस्त्र सङ्घर्षको अवधि (२०६४) प्रकाशित छ । सहरी गरिबी र नेपाली राजनीतिमाथि उनको रुचि छ ।
पुस्तकमा के छ
- पुनः प्रकाशनको लागि आभार
- धन्यवाद
- परिचयः माओवादी सङ्घर्षको शान्तिपूर्ण रूपान्तरण
भास्कर गौतम
- एक : 'जनयुद्ध' को अन्त्य
- लोकतान्त्रिक आन्दोलनका केही यक्ष प्रश्नहरू
डा. बाबुराम भट्टराई
- राजा किन झुके ?
सुधीर शर्मा
- किन आयो शान्तिपूर्ण लोकतान्त्रिक निकासको चाहना ?
प्रा. कृष्ण खनाल
- शान्ति सम्झौतापछिका तरङ्गहरू
डा. बाबुराम भट्टराई
- क्रान्तिको प्रसव पीडा
श्याम श्रेष्ठ
- 'जनयुद्ध' अन्त्य : अर्थ र असर
सीके लाल
- दुई : वैचारिक रणनीति
- माओवादीहरूको संसद् विघटनको मागको राजनीतिक प्रकृति
मोहनविक्रम सिंह
- आवश्यकता सातौँ जमर्कोको
गोपाल किराँती
- नयाँ नेपाल निर्माणको प्रक्रिया र त्यसको खाका
डा. बाबुराम भट्टराई
- नयाँ नेपाल र आर्थिक एजेण्डा
विश्वम्भर प्याकुर्याल
- आत्मनिर्णयको अधिकार, स्वशासन र संघात्मक राज्य
प्रचण्ड
- जातीय राज्यमा प्रश्नचिह्न
कनकमणि दीक्षित र जेबी पुन मगर
- स्वशासन : द्वन्द्व व्यवस्थापनको अचूक हतियार
महेन्द्र लावती
- 'ट्याक्टीस' को रणनीति र सामाजिक जनवादको यात्रा
भरत दाहाल
- लोकतान्त्रिक अधिनायकवादबारे
प्रदीप गिरी
- एक्काइसौ शताब्दीको माओवादी कार्यनीति 'वाम', दक्षिण वा क्रान्तिकारी ?
मुमाराम खनाल
- तीन : वार्ता प्रक्रिया
- अघि बढ्नुअघि फौजको टुङ्गो
ध्रुवकुमार
- हतियार व्यवस्थापनको विधिबारे
अनन्त
- राजाको नुन होइन जनताको कर
शिव गाउँले
- जनसेना पाल्ने खर्च
किशोर पन्थी
- म्यादी शान्ति र सल्लाह आतङ्क
सीके लाल
- शान्तिको माओवादी सर्त
सुधीर शर्मा
- चार : सङ्क्रमणकालीन यात्रा
- जनयुद्धले बदल्यो महिलाको जीवन
मञ्जु थापा
- परिवर्तन धमाधम
शिव गाउँले
- असुरक्षा, अपराध र अराजकता
किरण नेपाल
- निमुखाको प्रश्न : कहिलेसम्म पर्खने ?
मोहन मैनाली
- किन फर्केनन् विस्थापित ?
जनक नेपाल
- कोक फर्कने तयारीमा
मधुसूदन पौडेल
- सुपाच्य छैन एक लाखको टिकट
दिशाबोध टिम
- एक घर एक व्यक्ति नत्र तीन हजार
अञ्जु क्षेत्री र मञ्जु थापा
- पुनः स्थापित नहुँदै विस्थापित
सरोजराज अधिकारी, भीम घिमिरे, चित्राङ्ग थापा, माधव ढुङ्गाना र अमन कोइराला
- 'जनअदालत विघटन' प्रचार मात्रै
जेबी पुन मगर
- मधेसीको धक्का ! माओवादीको प्रतिधक्का !!
दिशाबोध टिम
- पाँच : राज्यमा विद्रोही
- अनुसूची
- प्रतिनिधि सभाको घोषणा, 2063
- नेपाल सरकार र नेकपा (माओवादी) बीच युद्धविराम आचारसंहिताको सहमति
- सात दल र नेकपा (माओवादी) बीच आठ बुँदे सहमति
- सात दल र नेकपा (माओवादी) बीच राजनीतिक सहमति
- नेपाल सरकार र नेकपा (माओवादी) ४ बीच विस्तृत शान्ति सम्झौता
- नेपाल सरकार र नेकपा (माओवादी) बीच हतियार र सेना व्यवस्थापनको अनुगमन सम्झौता
