सम्पादकको कलम

काठमाण्डूबाहिर पनि पत्रकारिता भैरहेको छ । भलै , काठमाण्डूको तुलनामा त्यो लगानी, प्रविधि, पहुँच, प्रभाव सबै किसिमले पछाडि होओस् । त्यस्तै, पत्रिकाका सामग्रीको स्तरमा पनि काठमाण्डू नै अगाडि छ, जुन अस्वाभाविक होइन । तर यो कुरा पत्रिकाले बोक्ने विचार- सम्पादकीय- का हकमा लागू हुँदैन । मा सङ्गृहीत सम्पादकीयहरु त्यसका साक्षी हुन्।

२०३९ सालमा पोखरामा स्थापित दैनिक जनमतमा पाँच वर्ष - २०५२- २०५७) को अवधिमा छापिएका सम्पादकीयमध्येबाट छानिएका करिब अढाई सय सम्पादकीय आलेखहरु पुस्तकमा सङ्कलित छन् । सङ्गृहीत आलेखहरुलाई छोटा निबन्धका रुपमा अध्ययन मनन गर्न सकिन्छ नै, फैलँदो मिडिया अध्ययन विश्लेषणका लागि पनि यसले सहयोग पुर् ‍ याउने छ ।

केशवराज पराजुली पोखरेली पत्रकारिताको शुरुआती दिनदेखि नै यस क्षेत्रको उन्नयननिम्ति अविछिन्न कार्यरत हुनुहुन्छ । २०३९ सालमा स्थापित दैनिक जनमतको उहाँ संस्थापक तथा सम्पादक हुनुहुन्छ । प्रेस काउन्सिल नेपालका सदस्य पराजुलीलाई उहाँले पोखरेली पत्रकारिता क्षेत्रको श्रीवृद्धिमा पुर्‌याउनु भएको योगदानका लागि विभिन्न सम्मान तथा पुरस्कार प्रदान गरिएका छन् ।