रेडियो पत्रकारिताः एफएममा समाचार र संवाद

करिब एक दशकअघि नेपालमा एफएम रेडियो प्रसारण सुरु हुँदा यसलाई मनोरञ्जन साधनका रूपमा हेरिन्थ्यो । यद्यपि समाचार र अन्तर्संवाद कार्यक्रमका माध्यमबाट बिस्तारै यी एफएम रेडियोले नेपालमा पृथक किसिमको रेडियो पत्रकारिता सुरुआत गरे । सोही रेडियो पत्रकारिताको विकास र अनुभवको अध्ययन हो यो पुस्तक ।

एघार अध्यायमा बाँडिएको यो पुस्तकका केही लेखले एफएम रेडियोको विकासक्रम वर्णन गर्दै बितेको दशकको कानूनी तथा नीतिगत वातावरण विश्लेषण गरेका छन् जसका सन्दर्भमा एफएम रेडियो पत्रकारिता हुर्कियो । अन्य लेखमा काठमाडौँ र पोखराका एफएमका समाचार र अन्तर्संवाद कार्यक्रमलाई केलाउँदै समाचार उत्पादन प्रक्रिया र त्यसपछाडिको अर्थराजनीति अध्ययन , विश्लेषण गरिएको छ ।

२०६१ माघ १९ पछिको सरकारका क्रियाकलाप फस्टाउँदो स्वतन्त्र रेडियोप्रति सकारात्मक देखिन्न । स्वतन्त्र रेडियो सञ्चालन अदालती बहसको विषयसमेत बनिरहेको वर्तमान अवस्थामा एफएम रेडियो पत्रकारिताका विविध पक्ष केलाइएको यो पुस्तक सामयिक छ । रेडियोकर्मी , मिडिया अध्येता र मिडियामा चासो राख्ने सबैलाई पुस्तक उपयोगी छ ।

प्रत्यूष वन्त, शेखर पराजुली, देवराज हुमागाईं,  कोमल भट्ट र कृष्ण अधिकारी मार्टिन चौतारी र सामाजिक विकास तथा अनुसन्धान केन्द्रका मिडिया अनुसन्धान समूहका सदस्य हुन् ।
 

समीक्षा	प्रकाशित	प्रकाशित मिति	लेखक
No medium, no message	The Kathmandu Post	12 March 2006
एउटा उपयोगी पुस्तक	पत्रकारिता	माघ २०६२
रेडियो पत्रकारिता	नेपाल समाचारपत्र	२० फागुन
रेडियो पत्रकारिता : एफएममा समाचार र संवाद	बहा: जर्नल	जेठ २०६३ २०६१
रेडियो पत्रकारिता पुस्तक सार्वजनिक	पोखरा हटलाइन	१८ माघ २०६२
एफएममा समाचार र संवाद कृति सार्वजनिक	गोरखापत्र	२० माघ २०६२
रेडियो पत्रकारिताः एफएममा समाचार र सम्वाद विषयक पुस्तक सार्वजनिक	आदर्शसमाज	१८ माघ २०६२
रेडियो पत्रकारिता पुस्तक सार्वजनिक	समाधान	१९ माघ २०६२
SINHAS 10(2)			Deepa Rai