मिडिया संवादः नेपाली पत्रकारिताबारे अन्तर्वार्ता

 

नेपाली मिडियाको गुणस्तर सुधार्न र प्रेस स्वतन्त्रतालाई सुनिश्चित गर्नका निम्ति बहस र संवाद सर्वोपरि आवश्यक हुन्छ । पत्रकारितामा देखिएका कमीकमजोरीलाई निराकरण गर्न पनि यस्तो अभ्यास उत्तिकै जरुरी हुन्छ । यिनै तथ्यलाई ध्यानमा राखेर नेपाली मिडियामा सक्रिय व्यक्तिहरूसँगको अन्तर्वार्ताको यो सँगालो- को प्रकाशन गरिएको हो । यस पुस्तकमा छापा माध्यम, प्रसारण माध्यम, क्षेत्रीय मिडिया, पत्रकारिता प्रशिक्षण र पत्रकारका संस्था गरी पाँच विषयमा १५ जनासँग गरिएका अन्तर्वार्ता समेटिएको छ । अन्तर्वार्ता दिनेहरू हुनुहुन्छ- युवराज घिमिरे, नारायण वाग्ले, कनकमणि दीक्षित, बबिता बस्नेत, ओम शर्मा, विकास रौनियार, रघु मैनाली, गोपाल गुरागाईं, आरती चटौत, किशोरकुमार कार्की, चन्द्रकिशोर, रामकृष्ण रेग्मी, पी खरेल, विष्णु निष्ठुरी र राजेन्द्र दाहाल । नेपाली मिडियाका विभिन्न आयामहरू खोतल्न सफल यो पुस्तक पत्रकारिताका विद्यार्थी, अध्येता, पत्रकार लगायत मिडियामा रुचि हुने सबैका निम्ति उपयोगी छ ।

शेखर पराजुली मार्टिन चौतारीका मिडिया अनुसन्धानकर्ता हुन् । नेपाली मिडियाका विभिन्न पक्षबारे उनका विश्लेषणात्मक लेखहरू प्रकाशित छन् । उनको सह-सम्पादनमा नेपाली मिडियामा दलित तथा जनजाति (२०५८), नेपाली मिडिया सर्न्दर्भ ग्रन्थ (२०६०), रेडियो नेपालको सामाजिक इतिहास (२०६१), रेडियोसँग हुर्कंदाः तीनपुस्ते नेपालीको अनुभव (२०६२) र रेडियो पत्रकारिताः  एफएममा समाचार र संवाद (२०६२) प्रकाशित छन् । उनी दुई नेपाली जर्नल- रूपान्तरणः समाज अध्ययन र मिडिया अध्ययन का पनि सम्पादक हुन् ।
 

समीक्षा	प्रकाशित	प्रकाशित मिति
मिडिया संवादः नेपाली पत्रकारिताबारे अन्तर्वार्ता	Read	Jan-Apr 2008
सञ्चार स्थिति	नयाँ पत्रिका	२६ माघ २०६४
आजको नेपाली पत्रकारिता	हिमाल खबरपत्रिका	१६-३० फागुन २०६४
मार्टिन चौतारीको नयाँ पुस्तक	पुनर्जागरण	८ माघ २०६४
मिडिया संवादः नेपाली पत्रकारिताबारे अन्तर्वार्ता	नेपाल	५ फागुन २०६४
मिडिया मन्थन	समय	२६ पुस २०६४
कृति परिचय	छलफल साप्ताहिक	२९ पुस २०६४
नेपाली मिडियामा खोज र बहस	हिमालय टाइम्स	७ पुस २०६४
पत्रकारिताको बहस	कान्तिपुर	२१ पुस २०६४
चौतारीका दुई कृति	समाचारपत्र(सौगात)	१८ फागुन २०६२ पृ.ख