समावेशीकरणः राजनीतिक दल, राज्य र मिडिया

नेपाली राज्यसत्तामा परम्परादेखि नै निश्चित वर्ग हावी रहेको र विकासको समग्र प्रतिफल त्यही वर्गको हितमा मात्र प्रयोग भइआएको छ । राज्यका केही प्रमुख निकाय, राजनीतिक दलहरू एवं मिडियाभित्र जातीय तथा लैङ्गिक विविधता र सहभागिताबारे खोजीनिती गर्ने प्रयासस्वरुप यस पुस्तक समावेशीकरण: राजनीतिक दल, राज्य र मिडिया जन्मिएको हो ।

पुस्तकमा राजनीतिक दल, निजामती सेवा, प्रहरी, सेना र मिडियामा केन्द्रत भई जातीय र लैङ्गिक सहभागिताबारे लेखाजोखा गरिएका पाँच लेख र परिचयले स्थान पाएका छन्‍ । यी लेखहरूले ती संस्था र निकायका असमावेशी चरित्रलाई उजागर मात्र गरेका छैनन्‍, समावेशीकरणको औचित्य र प्रक्रिया पनि सुझएका छन्‍ । तसर्थ समावेशीकरणको बहसलाई व्यापक र ठोस बनाउनुका साथै यसबारे व्यावहारिक तहमा मिहिन रूपमा सोच्न यस पुस्तकले सघाउने छ । समतामूलक सामाजिक अभ्यासको अभियानमा सामाजिक–राजनीतिक रुपान्तरणप्रति सजग र क्रियाशील सबैको सहभागितालाई व्यापक एवं लोकतान्त्रिक बनाउने विषयमा केही मूर्त प्रस्ताव पनि यसले अघि सारेको छ । राज्यका नीतिनिर्माता, समावेशीकरणका अभियानकर्ता, अध्येताका साथै नेपाली समाज र राजनीतिमा चासो राख्ने सबैका लागि यो पुस्तक उपयोगी छ ।

अनुभव अजीत मार्टिन चौतारीमा आबद्ध अनुसन्धानकर्ता हुन् । नेपाली चलचित्रबारे उनका लेखहरु प्रकाशित छन् । नेपाली समाज र राजनीतिको अध्ययनमा उनको रुचि छ ।