मार्टिन चौतारी पुस्तकालय खुला गरिएको बारे

कोभिड-१९ महामारीका कारण २०७८ माघ २ देखि सार्वजनिक प्रयोगका लागि बन्द रहँदैआएको मार्टिन चौतारी पुस्तकालय आवश्यक स्वास्थ्य सावधानी अपनाएर २०७८ फागुन १ देखि खुला गरिएको छ । पुस्तकालय आइतबारदेखि शुक्रबारसम्म बिहान १०:३० देखि अपराह्न ४:५० सम्म खुला रहनेछ । तर हाललाई समयावधि तोकेर एक पटकमा सीमित प्रयोगकर्तालाई मात्र प्रवेश दिइने छ । त्यसैले पुस्तकालय प्रयोग गर्न चाहने पाठकहरूले कम्तिमा एक दिनअघि नै पुस्तकालयका कर्मचारीहरूलाई फोन मार्फत आफ्नो नाम टिपाएर समय लिनुहुन अनुरोध छ । अनुसन्धान प्रयोजन बाहेक पत्रपत्रिका पढ्न मात्र पुस्तकालय आउन हाललाई निरुत्साहित गरिएको छ ।

मार्टिन चौतारी पुस्तकालय
२७ जीतजंग मार्ग, थापाथली, काठमाडौँ
सम्पर्कका लागि फोन नं. : ५३३८०५०, ४१०२०२७ र ४१०२२४३